ಪಂಡಿತ್ ಪುಟ್ಟರಾಜ ಗವಾಯಿಗಳು

ನಿನ್ನ ಗಾನ ಮಾಧುರ್ಯಕ್ಕೆ ಶರಣು ಹೋಗದವರಿಲ್ಲ
ಬೇಡಿ ಬಂದವರಿಗೆ ಕರುಣೆ ತೋರಿದೆಯಲ್ಲ
ಅಂಧರ ಪಾಲಿನ ಆಶಾಕಿರಣವಾಗಿ
ನೊಂದ ಮನಗಳಿಗೆ ಗಾನಾಮೃತವುಣಿಸಿದೆಯಲ್ಲ
ಗುರುವಿನ ನೆಚ್ಚಿನ ಶಿಷ್ಯನಾಗಿ
ಅಶಕ್ತರ ಪಾಲಿನ ಶಕ್ತಿಯ ಗಣಿಯಾದೆಯಲ್ಲ
ಸಂಗೀತ ಲೋಕದ ಗಾನ ಗಾರುಡಿಗನಾಗಿ
ಮಧುರ ಕಂಠದಿಂದ ನಮ್ಮೆದೆಯ ತುಂಬಿದೆಯಲ್ಲ
ಕನ್ನಡಿಗರ ಹೃದಯ ಸಾಮ್ರಾಟನಾಗಿ
ನಿನ್ನ ಸ್ವರದಿಂದಲೇ ನಮ್ಮ ಮರುಳರಾಗಿಸಿದೆಯಲ್ಲ
ವೈಕಲ್ಯಗಳ ಮಧ್ಯೆಯೂ ಕೌಶಲ್ಯಗಳ ಬೆಳೆಸಿದ ಗುರುವೇ...
ನಿನ್ನ ನೆನೆಯದೇ ಈ ಜೀವಕೆ ತೃಪ್ತಿಯಿಲ್ಲ; ಮುಕ್ತಿಯಿಲ್ಲ..

ರಚನೆ: ನವೀನ ಬೂದನೂರು