ಕೆಲವು ಸೋಲುಗಳು ಬರಿಯ ಸೋಲುಗಳಾಗಿರುವುದಿಲ್ಲ.
ಎದೆಯೊಡಲಿಗಿಟ್ಟ ಮುಳ್ಳುಗಳಾರುತ್ತವೆ.
-ಎನ್.ಬಿ
ಮನದ ಬೀದಿಯಲ್ಲಿ
ನಿನ್ನಂತೆ ನಡೆದವರು ಯಾರಿಲ್ಲ..
ಎದೆಯ ಗೋಡೆಯ ಮೇಲೆ
ನಿನ್ನಂತೆ ಗೀಚಿದವರು ಯಾರಿಲ್ಲ..
ಕನಸಿನ ಹಕ್ಕಿಗೆ ನಿನ್ನಂತೆ
ರೆಕ್ಕೆ ಕಟ್ಟಿದವರು ಯಾರಿಲ್ಲ.
- ಎನ್.ಬಿ
ನೀನೇ ಒಡೆದ ಬದುಕಿದು
ನಡೆಯುತಿದೆ ಹೇಗೋ ಉಸಿರ ಬಿಗಿ ಹಿಡಿದು
ಒತ್ತರಿಸಿ ಬರುವ ಭಾವಗಳಿಗೆ
ತತ್ತರಿಸಿದೆ ಹೃದಯ
ಮತ್ತೆ ನೆನಪಾಗಿ ಕಾಡದಿರು
ನಿನ್ನ ಅಷ್ಟೂ ನೋವುಗಳೂ
ನನ್ನ ನೋವುಗಳೇ
ಎಷ್ಟು ಸಾಧ್ಯವೋ ಅಷ್ಟನ್ನೂ
ಹಂಚಿಕೊಂಡಬಿಡು
ಎಲ್ಲವನ್ನೂ ಬರಸೆಳೆದು
ಅಪ್ಪಿಕೊಂಡು ಬಿಡುವೆ
ಬದುಕಿನ ನೋವು ನಿನ್ನೊಬ್ಬಳನ್ನೇ
ಕಿತ್ತು ತಿನ್ನದಿರಲಿ..
ಬದುಕಿನ ಎಲ್ಲ ಸಂಜೆಗಳಲ್ಲೂ
ನಿನ್ನ ನೆನಪಿನ ನಾಳೆಗಳ ಕೊರಗಿದೆ
ಮುಗಿಯದ ವಿರಹದ ಹಾಡಿಗೆ
ನಿನ್ನ ಸಾಂಗತ್ಯದ ದನಿಬೇಕಿದೆ.
ಒಮ್ಮೆ ನೋಡಬೇಕು ನಿನ್ನ
ಬೆಳಕಿಳಿದು ಸಂಜೆಗೆ ಮೈಚೆಲ್ಲುವ ಮುನ್ನ
ಎಷ್ಟು ಸಾಗಿರುವೆ ಈ ಬಾಳ ಪಯಣದಲಿ
ಹಿಂದಿರುಗಿ ನೋಡಿದರೆ ಸುಳಿವಿಲ್ಲ ನೀನಲ್ಲಿ..
ಮತ್ತೆ ನೀ ಸಿಗಬೇಕು
ನಿನ್ನೊಡನೆ ಸಾಗಬೇಕು
ಬದುಕಲ್ಲಿ ಮಾಗಬೇಕು
ನಾ ಗೆದ್ದು ಬೀಗಬೇಕು
ನಿನ್ನ ಸಾಂಗತ್ಯದಲ್ಲಿ..
ಕೆಲವು ಸೋಲುಗಳು ಬರಿಯ ಸೋಲುಗಳಾಗಿರುವುದಿಲ್ಲ. ಎದೆಯೊಡಲಿಗಿಟ್ಟ ಮುಳ್ಳುಗಳಾರುತ್ತವೆ. -ಎನ್.ಬಿ
