ಕವನ ಬರ್ದು ಕೈಗಿಟ್ಟಾಗೆಲ್ಲಾ
ಓದಿ ನಗ್ತಿದ್ ನಿನ್
ಕಂಡು ಮನಸಿಗೆ ಖುಶಿಯಾಗ್ತಿತ್ತು
ಹುಮ್ಮಸ್ಸು  ಹೆಚ್ಚಾಗಿ ಇನ್ನೊಂದೆರ್ಡ್
ಕವನ ಜಾಸ್ತಿಯಾಗ್ತಿದ್ವು..
ಓದಿ ನಗೋ ನಿನ್ನ ನೋಡಿ
ಅದರ ಭಾವ ತಿಳ್ದಿ ಅಂದ್ಕೊಳ್ತಿದ್ದೆ
ಮತ್ತಷ್ಟು ಕನಸು ಕಾಣ್ತಿದ್ದೆ; ಕವನ ಬರೀತಿದ್ದೆ..
ಅವ್ನೆಲ್ಲಾ ಮೆಚ್ಕೊಂಡ ನಗ್ತಿದ್ ನೀನು
ನನ್ ಬಿಟ್ಟು ಅದ್ಹೆಂಗ ದೂರಾದಿ??
ನೆನಸ್ಕ್ಯಂಡ್ರ ವಿಚಿತ್ರ ಅನಿಸ್ತಾತಿ..
ಆದ್ರೂ ನನಿಗೆ ಅರಿವಾಗೇತಿ ನೀ
ನಗ್ತಿದ್ದು ಕವನ ಓದಿದ್  ಖುಶಿಗಲ್ಲ
ಅದ್ರಾಗಿನ ನನ್ ಹುಚ್ತನ ನೋಡಿ ಅಂತಾ..
ಈಗೀಗ ನನ್ ಕವನ ನಾನ ಓದ್ತಾನಿ
ಓದ್‌ದಾಗೆಲ್ಲಾ ನಾನು ನಗ್ತಾನಿ
ನನ್ ಹುಚ್ತನ ಕಂಡಲ್ಲ; ಅವ್ನ
ಅರ್ಥ ಮಾಡ್ಕೊಳ್ದಿರೋ ನಿನ್ ದಡ್ತನ ಕಂಡು..
- ಎನ್.ಬಿ