ನನಗದು ತಿಳಿದಿದೆ
ನಿನಗೆ ಮತ್ತೊಂದು ಪ್ರೀತಿ ಸಿಕ್ಕಿದೆಯೆಂದು
ನಿನ್ನ ಬಂಗಾರದಂತಹ ಮಾತುಗಳಿಗೆ ಸಿಲುಕಿದವಳು
ನಿನ್ನ ಮನಸ್ಸನರಿತಿರುವೆನೆಂದು ಭಾವಿಸಿರುವಳು
ಹುಚ್ಚು ಹುಡುಗಿ ನನ್ನಂತೆಯೇ ಅವಳು..

ನನಗದು ತಿಳಿದಿದೆ
ನೀ ಇನ್ನೊಂದು ಮನಸ್ಸು ಮುರಿಯುತ್ತಿರುವೆಯೆಂದು
ಒಂದುವೇಳೆ  ಹೇಳಿದರೂ
ಅಲ್ಲಿಂದ ಸಾಗುಹಾಕಿಬಿಡುವಳು
ನನ್ನನ್ನೇ ಅಪಾರ್ಥಿಸಿಕೊಂಡು..
ಹಾಗಾಗಿ ನಾ ಮಾಡುವುದೇನೂ ಉಳಿದಿಲ್ಲ
ಹುಚ್ಚು ಹುಡುಗಿ ನನ್ನಂತೆಯೇ ಅವಳು..

ನನಗದು ತಿಳಿದಿದೆ
ಅವಳನ್ನೂ ತೊರೆಯುವ ಸಿದ್ಧತೆಯಲ್ಲಿ ನೀನಿರುವೆ
ಅಳುವಳು, ಅಚ್ಚರಿಪಡುವಳು
ಅವಳಿಂದ ನೀ ದೂರಾದ ಕಾರಣವನು ಅರಿಯದೇ..

ಕೊನೆಗೆ ಅವಳೂ ಆರಂಭಿಸುವಳು
ಈ ಹಾಡು ಹಾಡಲು
ಹುಚ್ಚು ಹುಡುಗಿ ನನ್ನಂತೆಯೇ ಅವಳು..

ಭಾವಾನುವಾದ: ನವೀನ ಬೂದನೂರು
ಮೂಲ ಕವಿತೆ: ಪೂಅರ್ ಗರ್ಲ್ - ಮಾಯಾ ಏಂಜಲೋ